كتبت - شيماء اسعد
تحدثت الفنانة منى زكي عن فيلمها الأحدث في دور العرض وهو فيلم «رحلة 404»، وذلك خلال مداخلة هاتفية لبرنامج «أسرار النجوم» مع إنجي علي عبر إذاعة «نجوم إف.إم» وقالت منى زكي عن مخرج العمل هاني خليفة: «مخرج كبير جدا وبحبه أوي على المستوى الإنساني والفني وبيركز في التفاصيل والنتيجة النهائية للعمل هي رؤيته في الدور والفيلم، صحيح كان معانا ورق مكتوب حلو أوي لمحمد رجاء لكن هاني خليفة له رؤية مميزة وتدخله في أداءنا كممثلين هو الذي أخرج الشحنة القوية دي وأنا بحبه وأتمنى ما يقعدش في البيت والوسط بيفتقده».
وعن رأي زوجها الفنان أحمد حلمي في العمل، قالت: «حلمي مبسوط من الفيلم جدا ومبسوط بيه ومعجب جدا وهو راجل محترم، وهو من أول ما
اتجوزنا بيساند وبيفهم يعني إيه المرأة بتكون متضايقة من حاجة وهو بيحب ينصر المرأة بشكل عام، والطريقة اللي بيتعامل بيها مع مامته وأخته بيبين احترامه».
كما تحدثت عن الفلسفة وراء فكرة الفيلم، وقالت: «ربنا الأعظم مننا كلنا بيغفر فالمفروض الناس كمان لا تحكم عليكي ولا تصدر أحكام يعني هذه وجهة نظري والفلسفة من ورا الفيلم تدور حول فكرة الذنب وإحساس الشخص بالذنب وتساؤلاته جواه هل هيتغفر له ولا لا، وأنا في الحقيقة طبعا بغفر وأكيد بتمنى أي حد غلطت في حقه يغفر لي، وأنا مع إني أغفر ويتغفر لي».
وعن التأجيلات التي شهدها الفيلم على مدار السنوات الماضية، قالت: «أكيد كنت قلقانة القلق الطبيعي والقصة عندي من 2013 وإحنا ابتدينا نصور من 3 سنين وخلصناه على طول، بس ما كنتش متوترة لكن كان نفسي الفيلم يفضل على مستواه ورغم اللي حصل فضل على مستواه
الرئيسية 
